Барлық жаңалықтар

Барлығын оқыңыз
Қазалыда 9 мамыр – Жеңіс күні мерекесі аталып өтті
Жаңалықтар / Аймақтар / Қоғам / Фотобаян 09 мамыр 2018 ж.

Қазалыда 9 мамыр – Жеңіс күні мерекесі аталып өтті

       Бүгін Қазалы ауданының тұрғындары 9 мамыр – Жеңіс күні мерекесін салтанатты түрде атап өтті. 
       Шара «Тағзым алаңында» басталды. Мерекеге соғыс ардагері Қабақ Смағұлмен бірге тыл еңбеккерлері және тұрғындар қатысты. Аудан әкімі Мұрат Ергешбаев бастаған азаматтар гүл шоқтарын қойып, Отан қорғау жолында мерт болған жауынгерлерді бір минут үнсіздікпен еске алды.
       Мереке «Жеңіс» саябағында жалғасты. Салтанатты шарада аудан басшысы жұртшылықты Жеңіс күнімен құттықтады. Сұрапыл жылдары жалын кешкен батырларымызға қандай құрмет көрсетсек те жарасымды екенін жеткізіп, еліміздің бүгінгі бейбітшілігі мен тұрақтылығы мәңгілік болсын деген тілегін арнады.
       Шара жергілікті өнерпаздардың концерттік бағдарламасына ұласты. 
       Жалпы, Қазалы ауданынан 10770 азамат майданға аттанса, 6229 жауынгер ғана аман-есен елге оралған. Олардың жыл артқан сайын қатары азайып, бүгінгі күнде – 5 ардагер: Пірназар Мырзатаев, Тілеуберген Тобабергенов, Қалеп Бектұрғанов, Лепес Әуесбаев, Қабақ Смағұл аталарымыз арамызда.
       Сондай-ақ, аудан әкімі Мұрат Ергешбаев Ұлы Отан соғысының ардагерлерінің үйінде болып,майдангерлерді Жеңіс мерекесімен құттықтады. Отан үшін от кешкен қарияларға денсаулық, амандық тілеп, арнайы сыйлық табыс етті.


Қазалы ауданы әкімінің
баспасөз қызметі

Ұқсас жаңалықтар:

  • Описание
  • Описание
  • Описание
  • Описание
  • Описание